UTOAJI WA BIMA ZA AFYA(ICHF) ILIOBORESHWA KWA WANAFUNZI WANAOISHI KWENYE MAZINGIRA MAGUMU WILAYA YA LIWALE

Imewekwa:: November 11th, 2022

MWENYEKITI WA HALMASHAURI YA WILAYA LIWALE MH. MOHAMMED MTESA  AMESHIRIKI KATIKA ZOEZI LA UGAWAJI WA BIMA ZA AFYA  YA ICHF ILIYOIMARISHWA KWA WANAFUNZI 18 WANAOISHI KATIKA MAZINGIRA MAGUMU.

MH. Mohammed Mtesa amewapongeza Taasisi ya Brighita foundation kwa kusimamia zoezi hilo na kushirikisha wadau kusaidia wanafunzi hao kupata bima hizo. Kadhalika na ustawi jamii kutambua wanafunzi wanaoishi kwenye mazingira magumu.

Aidha Mh. Mohammed Mtesa amechangia kadi 18 za bima ya afya  kwa awamu nyingine ili kuhakikisha wanafunzi wote wanaoishi kwenye mazingira magumu wanafikiwa na  wanapata huduma za afya bila changamoto yoyote.

Mkurugenzi wa taasisi ya Brighita foundation, Brighta Kambona amemshukuru Mwenyekiti wa halmashauri Mh. Mohammed Mtesa kuwepo kwenye uzinduzi huo na  kuwachangia  wanafunzi kwa awamu nyingine.